Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-këshilltari për Siguri Kombëtare në Shtetet e Bashkuara të Amerikës, gjatë administratës së kryetarit, Donald Trump, zotëriu, Xhon Bolton, ka deklaruar se janë dy çështje të pakapërcyeshme për ta zgjidhur përfundimisht problemin mes Kosovës e Serbisë. E para vjen në formën e një pyetjeje, se a është e ardhmja më e rëndësishme se e kaluara, dhe e dyta, e pashmangshme është se propozimi, apo ideja për zgjidhje finale duhet patjetër të burojë nga vetë palët, dhe jo nga ndonjë faktor i jashtëm – qoftë Bashkimi Evropian, qoftë Shtetet e Bashkuara të Amerikës. Nëse thjesht po kërkoni një stabilitet të përkohshëm në terma afatshkurtër – që është stili i BE-së për t’iu qasur çështjeve – atëherë mbase ka kuptim, por nëse po kërkoni për zgjidhje të përhershme, atëherë qartësisht kjo nuk do kryejë punë”. Prandaj, në vitin 2018, isha ithtar i një ideje tjetër, asaj për shkëmbimin e territoreve në mes të Kosovës dhe Serbisë, sepse, ndryshe nga propozimet e tjera, kjo ide vinte nga vetë liderët. Unë më pas pata folur me Hashim Thaçin dhe Aleksander Vuçiqin dhe ata ishin të gatshëm ta provonin, por evropianët u irrituan që amerikanët ishin të përfshirë në këtë çështje, saktësoi Xhon Bolton për Albanian Post.
