Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dita e Dëshmorëve të Komunën e Vushtrrisë, është shënuar me aktivitete të shumta tematike e kulturore. Drejtues të pushtetit lokal, familjarë dhe përfaqësues të Shoqatave kanë bërë homazhe në Kompleksin Memorial të Dëshmorëve të UÇK-së në dhe në memorialë tjera në qytet si dhe në Lapidarin e heronjve në Pestovë. Ndërsa ceremonia kryesore e shënimit të Ditës së Dëshmorëve në Komunën e Vushtrrisë këtë vit është zhvilluar në varrezat e Dëshmorëve në Bletaj, ku është mbajtur edhe Akademia përkujtimore. Kryetari i Komunës Xhafer Tahiri, tha se të gjithë ne sot përulemi me respekt para sakrificës së dëshmorëve të Vushtrrisë e mbarë popullit shqiptar, sepse gjaku i tyre u bë themel i Lirisë e Pavarësisë së Kosovës. “Pa hyrë sot në historinë tonë, sa të dhimbshme, aq edhe krenare, në dhimbjet por edhe krenarinë e nënave dhe të baballarëve tanë, sot së bashku të gjithë ne përulemi me respekt para sakrificës së dëshmorëve të Vushtrrisë e mbarë popullit shqiptar, sepse gjaku i tyre u bë themel i lirisë e pavarësisë së Kosovës, ka thënë Tahiri.
