KEK
Fillimi / Lajmet / Enver Hasani: Vendimi i Vjosa Osmani, për të shkarkuar kryesuesen e Komisioni Qendror të Zgjedhjeve, është antikushtetues
Enver Hasani

Enver Hasani: Vendimi i Vjosa Osmani, për të shkarkuar kryesuesen e Komisioni Qendror të Zgjedhjeve, është antikushtetues

Ish-kryetari i Gjykatës Kushtetuese, Enver Hasani, e ka konsideruar  jokushtetues vendimin e  Vjosa Osmanit, për të shkarkuar kryesuesen e Komisioni Qendror të Zgjedhjeve, Valdete Daka. Ai ka numëruar disa arsye pse ky vendim i Osmanit është jokushtetues. Po ashtu e ka cilësuar si mesazh frikësimi për organet tjera të pavarura. “Kjo është shkelje e pastër kushtetuese dhe atë për disa arsye. Në rend të parë, Presidenti i Republikës në asnjë vend që ka demokraci kushtetuese parlamentare me sistem republikan nuk mund të shkarkojë krye në veti asnjërin prej anëtarëve të organit që organizon dhe përgatitë mbajtjen e zgjedhjeve. Kjo prerogativë iu takon autoriteteve emëruese. Vetëm atëherë kur këto autoritete dështojnë, atëherë Presidenti i Republikës, në konsultim edhe me to, mund të bëjë zgjedhjen dhe emërimin e kandidatit të përshtatshëm. Në të gjitha rastet tjera, Presidenti ka vetëm të drejtën e emërimit, jo të zgjidhjes. Kjo sepse Presidenti duhet të bëjë konsultimet e duhura për një gjë të tillë me autoritetin emërues të anëtarit të KQZ”, ka thënë , Enver Hasani.

Kontrolloni gjithashtu

Konfirmohen 920 raste të reja me virusin korona, 1.698 qytetarë shërohen ndërsa 28 të infektuar vdesin

10 viktima dhe 173 qytetar të infektuar gjatë 24 orëve të fundit

Duke u bazuar në të dhënat e Instituti Kombëtar i Shëndetësisë Publike të Kosovës, Ministria ...