Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Forca të shtuara të Policisë së Kosovës janë përqendruar në katër komunat me shumicë serbe në veriun e vendit. Po ashtu bëhet me dije se një grup i qytetarëve serbë janë mbledhur para komunave Zubin Potok, Leposaviq e Zveçan, të cilët kanë bllokuar hyrjet. Aty janë parë edhe ish zyrtarë të Policisë së Kosovës nga radhët e komunitetit serb. Raportohet se serbët në Zubin Potok janë mbledhur për të ndaluar kryetarin Izmir Zeqiri për të hyrë në objektin e komunës. Po ashtu burime nga terreni bëjnë të ditur se është lëshuar alarmi në qendër të qytetit ku janë të vendosura objekti i komunës dhe stacioni policor. Serbët kanë paralajmëruar se nuk do të lejojnë kryetarët shqiptarë të hyjnë në zyrat e komunave, edhe pse ata janë zgjedhur ligjërisht dhe zyrtarisht.
