Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me qëllim të rritjes së nivelit të transparencës në punë në përputhje me objektivat e Planit Strategjik të Gjykatës (2018-2020), në seancën administrative të mbajtur më 13 maj 2019, gjyqtarët e Gjykatës Kushtetuese të Republikës së Kosovës morën vendim që nga muaji qershor, opinioni publik dhe mediet të informohen për të gjitha rastet e shqyrtuara dhe të vendosura në seancat e rregullta shqyrtuese. Për aktgjykimet me rëndësi të veçantë për publikun dhe për institucionet shtetërore, njoftimi për vendimet nga seanca shqyrtuese do të përmbajë informata më të detajuara përkitazi me rastin. Duke pasur parasysh rregullat dhe procedurat e parashikuara me Ligjin për Gjykatën Kushtetuese dhe me Rregulloren e punës së Gjykatës, përkitazi me kohëzgjatjen e procedimit të vendimeve të miratuara nga seanca shqyrtuese deri në përgatitjen e tyre për publikim dhe dërgim tek palët parashtruese, teksti final i vendimeve do të publikohet në afatin prej së paku 15 ditë pune nga koha e publikimit të njoftimeve me informata përmbledhëse.
