Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri i Suedisë, Karl Bildt ka kritikuar Evropën për qëndrimin e saj ndaj Turqisë pas përpjekjeve për grusht shtet. Ai ka kërkuar nga Brukseli zyrtar që ta përkrahë Erdoganin. “Fle Brukseli apo nuk e di”? kjo është pyetja që bëhet pasi që liderët e shteteve të Evropës kanë reaguar me hezitim lidhur me puçin ushtarak, më 15 korrik ka shkruar Bildt për portalin “Politico”. Ai ka nënvizuar se suksesi i puçit do ta kishte quar Turqinë në një luftë civile, ndërsa pasojat do të kishin qenë të pa parashikueshme. Miliona turq do të kishin mësyrë në shtetet e Evropës, duke iu bashkuar milionave të tjerë nga Siria.
Bildt ka thënë se Evropa asnjëherë nuk ka parë ndonjë puç ushtarak në vendet e saj, por në natën e grusht shteti ajo ka qenë dashur të reagojë menjëherë. Nuk pati asnjë përpjekje për angazhimin e ndonjë zyrtari të lartë të BE-së për të shkuar në Turqi dhe për t’ i dhënë mbështetje një qeverie, së cilës iu kishte rrezikuar rendi demokratik. Tani do të jetë kryetari i Rusisë, Putin, i pari që do të takohet me Erdoganin, pas përpjekjeve për Grusht shtet dhe kjo do të jetë e turpshme për Evropën. Nuk ka dyshim se Turqia ka pasur të drejtë dhe ka qenë dashur pa tjetër të mbrohet nga forcat që kanë kërcënuar rendin e saj shoqëror. BE-ja do të kishte qenë në pozitë shumë më të mirë po qe se liderët e saj do ta të kishin vizituar Turqinë dhe të kishin shprehur keqardhje për grusht shtetin, duke uruar popullin turk dhe liderët e vendit, si dhe duke u dhënë mbështetje në ruajtjen e demokracisë ka shkruar mes tjerash, Karl Bildt.
