Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në mjediset e Ministrisë për Forcën e Sigurisë së Kosovës, në prag të përfundimit të këtij viti kalendarik, u organizua një takim, koktej, me gazetarë dhe përfaqësues të medieve, të cilët kanë përcjellë aktivitetet MFSK-FSK-së gjatë gjithë vitit që po e lamë pas. Në takimin me gazetarë kanë marrë pjesë: zëvendësministri Burim Ramadani, komandanti i FSK-së, gjenerallejtënant Rrahman Rama, sekretari i përgjithshëm Shkëlzen Sylaj, gjeneralët: Gëzim Hazrolli, Naim Haziri, si dhe oficerë dhe zyrtarë të informimit të Ministrisë dhe FSK-së. Të pranishmit në emër të Departamentit për Marrëdhënie me Publikun i përshëndeti drejtori, Ibrahim Shala, ndërsa në emër të ministrit Berisha i përshëndeti zëvendësministri Ramadani, i cili mbajti një fjalë rasti. „Kam kënaqësinë, që në emër të ministrit, z. Rrustem Berisha, t’ju uroj për një vit me plotë angazhime, detyra, sfida e zhvillime të mëdha. Kjo përmbyllje e vitit, sigurisht se është më e veçantë dhe më e suksesshme për Ministrinë tonë, për Forcën tonë, për Kosovën. Për partnerët tanë, po ashtu. Mandatimi ushtarak i Forcës sonë–Ushtrisë sonë–është një sukses që i tejkaloi sfidat, me përkushtim dhe shpeshherë edhe me kryeneçësi të argumentuar.
