Ministri, Rrustem Berisha dhe komandanti i FSK-së, Rrahman Rama biseduan me gjeneralin, Tod Wolters

Ministri i Mbrojtjes  Rrustem Berisha dhe komandanti i FSK-së gjenerali Rrahman Rama u takuan me komandantin Suprem të NATO-s për Evropë, gjeneralin, Tod Wolters. Në takim, ministri Berisha e informoi gjeneralin Wolters për Planin Gjithëpërfshirës të Tranzicionit të Forcës së Sigurisë së Kosovës dhe implementimin e tij në bashkëpunim të ngushtë me aleatët. Gjithashtu, Ministri e njoftoi Komandantin me theks të veçantë rreth progresit të arritur gjatë 120 ditëve të para të tranzicionit. Forca e Sigurisë së Kosovës edhe me mandatin e ri do të vazhdojë të ndërtohet si forcë profesionale, multietnike dhe e besueshme. Ndërsa, komandanti i FSK-së, gjenerallejtënant Rrahman Rama gjatë takimit me Komandantin Suprem të NATO-s, gjeneralin Tod Wolters, e ka njoftuar me zhvillimet e FSK-së, të arriturat e përgjithshme si dhe sfidat. Gjenerali Rrahman Rama me gjeneralin Tod Wolters biseduan edhe për mundësitë e thellimit të bashkëpunimit në mes të NATO-s dhe FSK-së, për zhvillimin e një force profesionale me standarde të NATO-s.

Komandanti Suprem i NATO-s për Evropë, gjenerali Wolters e falënderoi ministrin Berisha dhe komandantin Rama për takimin, për përkrahjen e vazhdueshme për KFOR-in në zbatimin e misionit të tij në Kosovë, dhe ndër të tjera, përsëriti zotimin e NATO-s dhe KFOR-it për ruajtjen e paqes dhe sigurisë në Kosovë dhe rajon.

Kontrolloni gjithashtu

https://www.google.com/url?sa=i&url=https%3A%2F%2Fgazetablic.com%2Fagjencia-kunder-korrupsionit-sqaron-publikimin-e-pasurise-se-xhavit-halitit-dhe-arta-rama-hajrizit%2F&psig=AOvVaw1Vm3iZ7oCkJZDpqkqUNlfH&ust=1625145827240000&source=images&cd=vfe&ved=0CAoQjRxqFwoTCJjI5pG6v_ECFQAAAAAdAAAAABAJ

Xhavit Haliti: Punimi i Bashës është baraz me tradhti, kopje nga BIA serbe

Ish-deputeti i Partisë Demokratike të Kosovës, Xhavit Haliti, ka reaguar ashpër pas publikimit të një …