Teuta Elshani: Nesër shënohet 22 vjetori i masakrës së Poklekut të Vjetër në Drenas por pa ndonjë organizim të veçantë

Nesër me 17 prill 2021 është përvjetori i 22 i masakrës së Poklekut të Vjetër, ku shteti serb masakroi dhe dogji disa herë me radhë 54 civil shqiptar, në këtë fshat të Drenasit. “Ju njoftojmë se ky përvjetor do të shënohet pa ndonjë organizim të veçantë, megjithatë nga ora 11:00 do të mbahen homazhe të Kompleksi i Varrezave të martirëve në Poklek të Vjetër. Ju lutem që gjatë homazheve, t’u përmbaheni udhëzimeve të IKSHPK-së! Ne ju falënderojmë nga zemra dhe shpirti që na qëndruat afër këto 22 vite!”, thuhet në njoftim e bërë nga Teuta Elshani.