Opozita proteston sot, në orën 13:00, në Vushtrri, kundër themelimit të komunës serbe të Prelluzhës

Lëvizja Vetëvendosje, AAK-ja dhe Nisma për Kosovën, do të protestojnë sot, në orën 13:00 në Vushtrri kundër themelimit të komunës së Prelluzhës. Dega e AAK-së në Vushtrri nëpërmjet një njoftimi për media ka bërë me dije se, në këtë protestë do të marrin pjesë tre liderët e partive opozitare. “Protesta mbahet pranë shtëpisë së kulturës ‘Hasan Prishtina’. Të pranishmëve me një fjalë rasti do t’u drejtohen edhe liderët opozitarë: Ramush Haradinaj, Visar Ymeri, Fatmir Limaj. Të premten të gjithë kundër krijimit të komunës së Prelluzhës, projekt ky që cenon vijën administrative të komunës së Vushtrrisë dhe komunës së Kastriotit, cenon rënd tërësinë dhe unitetin territorial të shtetit tonë dhe thellon edhe më tepër ndarjen në vija etnike që njëherit nënkupton cenim të rendit dhe destabilizim të brendshëm me prapavija të ngritjes së tensioneve në baza etnike”, është bërë me dije në njoftimin e Degës së AAK-së në Vushtrri.

Kontrolloni gjithashtu

Kryetari i Asociacionit të Komunave të Kosovës, Sazan Ibrahimi është cituar të ketë deklaruar se komunat e Kosovës përkundër sfidave nga niveli qendror, kanë arritur të shpenzojnë 75 për qind të mjeteve të destinuara për investime kapitale. Ai ka thënë me këtë rast se viti 2024 do të jetë një ndër vitet me sfiduese për nivelin lokal sa i përket investimeve të reja kapitale, kjo pasi Parlamenti i Kosovës nuk ka marr parasysh fare propozimet e komunave për projekte të reja kur ka votuar buxhetin për vitin 2024, që sipas tij, do të ndikonin në zhvillimin ekonomik lokal. Përkundër sfidave që janë ballafaquar komunat në vitin 2023, sa i përket shpenzimeve në investime kapitale komunat kanë rezultate të jashtëzakonshme dhe nëse i krahasojmë me investimet kapitale të shpenzuara nga niveli qendror diferenca është dyshifrore mes nivelit lokal edhe nivelit qendror. Kjo do të thotë që komunat kanë punuar mirë, gjithashtu planifikimet buxhetore i kanë hartuar me seriozitetin më të madh të mundur por edhe zbatimi i tyre përkundër sfidave që janë shkaktuar nga niveli qendror, do të thotë jo vetëm nga ministrit por edhe nga institucionet e nivelit qendror, komunat kanë arritur që të bëjnë shpenzimet të mjeteve për investime kapitale me përqindje jashtëzakonisht të mirë, ka thënë mes tjerash Sazan Ibrahimi.

Sazan Ibrahimi rrëfen kërcënimet me jetë pas debateve me ministrat e Qeverisë Kurti

Drejtori Ekzekutiv i Asociacionit të Komunave të Kosovës, Sazan Ibrahimi, ka deklaruar se ka marrë …