Fillimi / Lajmet / KQZ-ja ende nuk i ka certifikuar listat e kandidatëve për deputetë të gjashtë subjekteve politike
Vetëm 16 ankesa për parregullsi në ditën e zgjedhjeve janë dorëzuar në Panelin Zgjedhor për Ankesa dhe Parashtresa

KQZ-ja ende nuk i ka certifikuar listat e kandidatëve për deputetë të gjashtë subjekteve politike

Komisioni Qendror i Zgjedhjeve ende nuk i ka certifikuar listat e kandidatëve për deputetë të gjashtë subjekteve politike, në mesin e tyre edhe listën e Lëvizjes Vetëvendosje, Aleancës për Ardhmërinë e Kosovës dhe Nismës Socialdemokrate. Në mbledhjen e KQZ-së, u bë e ditur se këto lista nuk certifikohen për shkak se këto parti nuk i kanë zëvendësuar emrat e kandidatëve që në listat sipas Këshillit Gjyqësor të Kosovës, kanë pasur dënime për vepra penale në tri vitet e fundit. Pas moscertifikimit, këto gjashtë subjekte politike kanë dorëzuar tetë ankesa në Panelin Zgjedhor për Ankesa dhe Parashtresa, por që deri tani ende nuk është marrë ndonjë vendim për to. Kështu ka bërë të ditur, kryesuesi i Sekretariatit të Panelit Zgjedhor për Ankesa . Ndërkohë, nga Komisioni Qendror i Zgjedhjeve kanë theksuar se do të presin vendimin e PZAP-it, për veprime të mëtutjeshme. “Pas paraqitjes së ankesave të mundshme PZAP ka afat prej 72 orësh për të vendosur lidhur me ankesat të cilat paraqiten dhe sigurisht se ne si KQZ do të presim për vendimmarrjen e këtij institucioni” kishte thënë ditë më parë, zëdhënësi i KQZ-së, Valmir Elezi.

Kontrolloni gjithashtu

Parlamenti Evropian: Pavarësia e Kosovës është e pakthyeshme, njohja nga të gjitha shtetet e BE-së do të ishte në dobishme

Parlamenti Evropian: Pavarësia e Kosovës është e pakthyeshme, njohja nga të gjitha shtetet e BE-së do të ishte në dobi të paqes

Me 50 vota për, dhjetë kundër dhe nëntë abstenime, Komisioni për politikë të jashtme i ...