Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Policia e Kosovës ndaloi sot edhe dy aktivistë të Lëvizjes Vetëvendosje, Kastriot Gërbeshin dhe Januz Shatrin, të cilët më pas i arrestoi pa asnjë arsyetim, thuhet në njoftimin e Vetëvendosjes. Këta dy aktivistë i shtohen 21 aktivistëve të tjerë, të cilët aktualisht janë nëpër masa të ndryshme policore, nga të cilët 13 janë nëpër burgje. Kjo është një fushatë persekutimesh politike që të kujton kohën e regjimit jugosllav. Opozitarët, veçanërisht Lëvizja Vetëvendosje, po trajtohen si cak i abuzimit policor. Arsyeja pse po ndodh kjo është për shkak të dëshirës të pangopur të Hashim Thaçit për t’u bërë kryetar dhe për shkak të mospranimit të zgjedhjeve të parakohshme si zgjidhje për ngërçin politik, që e ka prodhuar veprimtaria antikushtetuese e Qeverisë Mustafa-Thaçi. Kërkojmë lirimin e menjëhershëm të aktivistëve dhe ndaljen e kësaj fushate të përndjekjes për arsye politike, thuhet në fund të protestës.
