QKMK: Bashkatdhetarët tanë po të presin dy deri në katër orë për ta kaluar kufirin me Serbinë

Nga raporti i Qendrës Kombëtare për Menaxhimin Kufitar mësohet se bashkatdhetarët tanë, që po kthehen në vendet e Evropës Perëndimore, pasi kaluan pushimet në Kosovë, po vazhdojnë të presin dy deri në katër orë për ta kaluar kufirin me Serbinë. Në raportin e Qendrës Kombëtare për Menaxhimin Kufitar thuhet se pritjet më të gjata në orët e mbrëmjes janë regjistruar në vendkalimin në Mutivodë, ku bashkatdhetarët po presin katër orë, për të kaluar kufirin në dalje të Kosovës. Edhe në vendkalimet kufitare te Dheu i Bardhë, por pritet deri në tri orë në dalje të Kosovës, kurse në Jarinje dhe Merdar deri në dy orë. Në vendkalimin kufitar në Muçibabë ka pritje deri në një orë, për të kaluar kufirin. Ndërkohë, për të hyrë në Kosovë, në pikë-kalimet kufitare me Serbinë, por edhe me vendet e tjera nuk ka pritje më të gjata se 10-15 minuta.

Kontrolloni gjithashtu

James Rubin: Kam shqetësime për ndikimin e politikës në sundimin e ligjit

James Rubin: Kam shqetësime për ndikimin e politikës në sundimin e ligjit

Mendoj se kam shkuar në përpjekje të jashtëzakonshme për t’u bërë i disponueshëm për këtë …