leoni

Radio-Kosova e Lirë sot shënoi 25-vjetorin e përfundimit me sukses të misionit informativ, historik, gjatë luftës së UÇK-së

Radio-Kosova e Lirë, në bashkëpunim me TV-Diellin dhe përkrahës e ndihmës të saj, sot shënoi 25-vjetorin e kryerjes me sukses të misionit informativ,  historik, gjatë luftës së UÇK-së, dhe aktivitetin e shumanshëm të deritanishëm, gjatë këtij çerek-shekulli.  25 vjet më parë,  Radio-Kosova e Lirë  kishte përgatitur dhe kishte  transmetuar emisionin e fundit nga Malet e Berishës, në Rrafshnaltën e Drenicës, pikërisht në ditën kur nga Kosova ishte larguar, përgjithmonë dhe me turp të përjetshëm, makineria vrastare e regjimit të Millosheviqit, e cila më 9 qershor të vitit 1999, kishte nënshkruar kapitullimin pas bombardimit për 78 ditë nga forcat e NATO-s.

Sot para të pranishmëve të shumtë pas ekspozimit të fjalës tematike nga kryeredaktorja e Radios, Arbanë Qeriqi-Gashi  një fjalë rasti e mbajti ish komandanti i Zonës së Pashtrikut, gjeneral Sadik  Halitjaha. Pastaj fjalën e mori koloneli në pension i UÇK-TMK-së, Elez Durmishi, i cili foli edhe për vështirësitë dhe pengesat me të cilat padrejtësisht po ballafaqohet, Radio-Kosova e Lirë, nga klane njerëzish të papërgjegjshëm.

Në shënim të këtij përvjetori gjenerali i luftës, Lahi Brahimaj i ndau një mirënjohje Radios dhe drejtorit të saj, profesor Ahmet Qeriqi, duke përgëzuar edhe tërë stafin për punën e palodhshme në  prezantimin ditor të emisioneve  dokumentare me  biografi të dëshmorëve.

Në vazhdim të shënimit të 25-vjetorit të përfundimit me sukses të misionit informativ, historik, gjatë luftës së UÇK-së kanë folur edhe shumë veprimtarë, eprorë dhe luftëtarë të lirisë, invalidë e veteranë, zyrtarë komunash dhe të pranishëm të tjerë:

Kryetari i Shoqatës së Familjeve të Dëshmorëve, Xhavit Jashari,

Kryetari komunës së Decanit, Bashkim Ramosaj,

Përfaqësuesi i shoqatave të luftës së Malishevës, Metush Kryeziu,

Eprori i lartë i Zonës Operative të Llapit gjatë luftës, Fatmir Sopi,

Nga Njësia  e Shtabit të Përgjithshëm, Ajvaz Berisha,

Veprimtari dhe ish i burgosuri politik, Nait Hasani,

Veterani dhe invalidi i luftës, nga Brigada 121,  Fatmir Shurdha,

Nga Zona Operative e Shalës së Bajgorës, Nexhat Dedia,

Në fund një fjalë përmbyllëse e  mbajti edhe gazetari e shefi i marketingut, Jeton Syla, i cili foli për vetëfinancimin e Radios nga firmat reklamuese, për vështirësitë financiare por edhe për mbijetesën e deritanishme e në vazhdim të të gjithë atyre që kanë bashkëpunuar dhe bashkëpunojnë me qëllim që të mos lejojnë të shuhet ky zi i luftës dhe i paqes në vendin tonë. (RKL)

Kontrolloni gjithashtu

Plakja e popullsisë në Kosovë, tregon se mosha mesatare është rritur për pesë vite, krahasuar me 2011

Të dhënat preliminare të Regjistrimit të Popullsisë të vitit 2024, të publikuara nga Agjencia e …