Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Për kontributin informativ, që i ka dhënë dhe po iu jep shqetësimeve të banorëve të Karaçevës, në Brezin Kufitar mes Kosovës e Serbisë, që vazhdimisht po mbahen në presion nga prania dhe provokimet e forcave të xhandarmërisë serbe, të cilat e demonstrojnë forcën e tyre, duke i shqetësuar e frikësuar banorët shqiptarë të fshatit, sot në ambientet e Radios Kosova e Lirë dhe Televizionit Dielli ka qëndruar Kryetari i Bashkësisë Lokale i fshatit, Karaçevë e Poshtme, Selver Lenjani, me ç rast u ka ndarë Mirënjohje dhe i ka falënderuar për punën dhe përcjelljen e informatave nga Brezi Kufitar në Karaçevë.
Mirënjohjet u ndanë në vigjilje të Festave te Nëntorit.
Radio Kosova e Lirë dhe Televizionit Dielli janë zotuar se, ashtu si deri tani do të vazhdojnë ta përkrahin pa rezervë dhe të sensibilizojë opinionin sa më shumë në zgjidhjen e kësaj çështjeje, që është jetike për banorët shqiptarë të këtij fshati.
