Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, në seancën e sotme Kuvendit ka bërë thirrje që zgjedhjet në veri të vendit të shtyhen. Ai ka thënë se Qeveria dhe Presidenca duhet që ta trajtojnë me seriozitet këtë çështje dhe sa më parë të marrin një vendim. Nëse mbahen zgjedhjet sipas afatit të planifikuar, atëherë qytetarët në veri do të votojnë nëpër stacione policore. Duhet t’i bëjmë analizë kësaj situate. Nuk besoj se duhet të heshtim për këtë gjendje. Më mirë të pranojmë një çerek humbje sot, një gjysmë humbje nesër sesa një humbje të plotë në ditën e zgjedhjeve. Cili është interesi ynë për ta mbajtur Policinë e Kosovës në atë gjendje që janë atje? I bëj thirrje Qeverisë dhe presidentes ta marrin me seriozitet gjendjen në veri dhe ta marrin një vendim për këtë situatë. Duhet ta gjejmë një formulë të ecim përpara e jo ta fshehim gjendjen. Katër policë të Kosovës që rrezikuan jetën e tyre atje sot janë në burg, ka saktësuar Ramush Haradinaj.
