Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish kryetari, Fatmir Sejdiu ka thënë se është i brengosur teksa e sheh se si po vijon dialogu midis Kosovës dhe Serbisë. Ai ka theksuar se nuk do ta pranonte aneksin e zbatimit të marrëveshjes së Ohrit dhe ka tërhequr vërejtjen se detajet brenda tij e shembin konstruksionin kushtetues të Republikës së Kosovës. Ish kryetari, Fatmir Sejdiu është cituar të ketë deklaruar më tutje për Kosovalive se ai nuk do ta pranonte asesi Asociacionin e komunave me shumicë serbe. “Jo nuk do ta pranoja. Sepse qëndrimi i Kosovës duhet të mbështetet në pranime. Këtë duhet ta di edhe bashkësia ndërkombëtare, e di besoj sepse edhe në bisedimet e Vjenës ky ka qenë qëllimi i Serbisë, ai i shtrirjes gjeografike të serbëve, duke e përfshirë edhe Anamoarvën, e është refuzuar. Zhagitja e vazdhueshme nga një model në modelin tjetër lë hapësirë për kurdisje të tjera. Unë jam i brengosur me atë çfarë po ndodhë sepse duhet ruajtur konstruksionet kushtetuese të vendit” është cituar të ketë thënë mes tjerash, ish kryetari, Fatmir Sejdiu.
