Analisti i shquar amerikan për Ballkanin dhe më gjerë, Daniel Server i ka deklaruar edicionet në gjuhen serbe të “Zërit të Amerikës” se Kosova mund ta padisë Serbinë për gjenocid në Kosovë. Ai ka theksuar se fakti që procesi gjyqësor për gjenocid nuk u paraqit para Tribunalit Penal Ndërkombëtar në Hagë për ish-Jugosllavinë në lidhje me krimet në Kosovë nuk do të thotë se shteti serb nuk mund të paditet për gjenocid para Gjykatës Ndërkombëtare të Drejtësisë. Profesori amerikan në Universitetin Johns Hopkins, Daniel Serwer ka theksuar më tutje se krimet kundër njerëzimit, si dhe krimet e luftës, janë vepra shumë të rënda kriminale. Këtu shtrohet pyetja nëse veprat janë kryer me qëllim shkatërrimin e plotë ose të pjesshëm të një grupi kombëtar, etnik, racor apo fetar. Ndoshta diçka e tillë është e vonuar – nuk është e qartë për mua se si Kosova, një vend që nuk është në mesin e vendeve në Statutin e Gjykatës Ndërkombëtare të Drejtësisë, ka qasje në atë institucion gjyqësor. Njoftimi i autoriteteve të Kosovës sigurisht që do të ketë një efekt politik në Kosovë, Serbi dhe bashkësinë ndërkombëtare, ka thënë në mes tjerash analisti i shquar amerikan për Ballkanin dhe më gjerë, Daniel Server.
Kontrolloni gjithashtu
Ymeri: Qëndrimi i kryeministrit Kurti për të shkuar në zgjedhje nëpërmjet shpërndarjes së Kuvendit, nuk është i sinqertë
Ish kryetari i Vetëvendosjes, Visar Ymeri ka thënë se Partia Demokratike e Kosovës dhe Vetëvendosja, …