Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Gjykatën Themelore të Prishtinës, sërish është shtyrë gjykimi kundër kryetarit të Kuvendit të Kosovës, Glauk Konjufca, e të tjerëve në rastin penal “hedhje e gazit lotsjellës në sallë n e Kuvendit”. Lajmin e ka konfirmuar Musa Damati, avokat i deputetit, Pal Lekaj, i cili ishte paraparë të paraqitej në këtë rast në cilësinë e dëshmitarit. Konjufca ka kërkuar që seanca të shtyhet pshkaku i angazhimeve. Këtë kërkesë e ka aprovuar gjyqtarja e Gjykatës Themelore. Për ketë rast ka dëshmuar sot paradite ish-nënkryetari i Kuvendit, Sabri Hamiti, i cili ka thënë se e ka parë Aida Dërgutin e Glauk Konjufcën duke e nxjerrë gazin nga nën tavolina, por nuk ka pasur mundësi që t’i fotografojë. Atë ditë në seancë merrnin pjesë kryetari i Kuvendit, Kadri Veseli, deputetët Adem Grabovci, Ismet Beqiri, Sabri Hamiti, Pal Lekaj, Valdete Bajrami dhe Sllobodan Petroviq. Konjufca Ai në cilësinë e deputetit, në kundërshtim me ligjin ka përdorur armë, ashtu që gjatë kësaj mbledhjeje ka hedhur gazin lotsjellës në sallë. Në këtë rast penal kundër zyrtarëve të Lëvizjes Vetëvendosje për hedhjen e gazit lotsjellës në Kuvendin e Kosovës më 21 mars 2018, duhet të përgjigjen edhe: Xhelal Sveçla, Drita Millaku, Salih Zyba dhe Fitore Pacolli-Dalipi. Gjatë periudhës si deputetë të opozitës, ata akuzohen se me hedhjen e gazit lotsjellës kanë kryer veprën penale të përdorimit të armës ose mjetit të rrezikshëm dhe pengimit të personave zyrtarë në kryerjen e detyrave.