Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
luturat 2022: “Fluturën e argjendë” e fitoi Jora Hoxha me këngën “Macja ime”, ndërsa vendin e parë e fitoi Luna Salihu me këngën “Alo alo”
Mbrëmë në Palestrën e Sporteve në Prizren, u mbajt Festivali për fëmijë “Fluturat 2022” në të cilin u paraqitën 17 këngëtarë fëmijë.
Festivalin e hapi Adem Morina, drejtor i Kulturës, Rinisë dhe Sportit në komunën e Prizrenit, i cili tha se ky Festival po kthehet fuqishëm pas katër viteve ndërprerjeje, që ka qenë humbje e madhe për fëmijët.
“Na gëzon fakti se edhe përkundër kësaj pauze sonte i kemi 17 këngë garuese në këtë Festival, kurse ne mbetemi të përkushtuar si drejtori që t’i mbështesimtë gjitha festivalet për vlerat që i kanë.
Në vazhdim 17 fëmijë parakaluan nëpër skenën e mrekullueshme të festivalit.
Juria profesionale e festivalit: Kushtrim Jakupi, kryetar i komisionit, Kaltrina Krasniqi dhe Ilir Ramadani i përcolli më vëmendje të gjitha këngët e festivalit.
Kryetari i Komisionit Kushtrim Jakupi tha se ishte “me të vërtet një festival i jashtëzakonshëm edhe një rikthim shumë i fuqishëm”.
“Me të vërtetë e meritojnë të gjithë fëmijët një mbështjetje të fuqishme. Ishte e vështirë për ti ndarë çmimet por pjesëmarrja e fëmijëve i bënë të gjithë ata fitues sepse ishin vërtet të talentuar” tha ai.
Kaltrina Krasniqi në vijim i shpalli këngët fituese.
Fluturën e argjendë e fitoi Jora Hoxha me këngën “Macja ime” e kompozuar nga Hekuran Krasniqi.
Vendin e parë e fitoi Luna Salihu me këngën “Alo alo” të kopozitores Adelina Bega.
Vendin e dytë e fitoi Lea Bedra me këngën “Për ty gjyshe” të kompozitorit Butrint Bicuri.
Vendin e tretë e fitoi Aras Veshall me këngën “ More Xhukllo qeni im” të kompozitorit Fati Qukiqi.
Për paraqitjen më të mirë skenike e shpërblye Sara Rexha me këngën “Dëshirat” të kompozitorit Genc Hyseni.
Debutanti e Festivalit ishte këngëtari Amar Shabani I cili u paraqit me këngën “Festa ime”.
