Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në marshin protestues të organizuar nga qytetarët me moton, “Mitrovica kërkon drejtësi për Astritin!” kanë marrë pjesë shumë protestues nga Mitrovica e më gjerë. Marshi filloi nga xhamia kryesore e qytetit dhe vazhdoi në shesh për t’u ndalur te busti i heroit, Mehë Uka. Aty u mbajtën edhe disa fjalime nga përfaqësuesit e shoqërisë civile dhe përfaqësuesit Degës së Shoqatës së të Burgosurve Politikë, në Mitrovicë ku u kërkua drejtësi për Astritin, në mënyrë që rastet e tilla të mos përsëriten ndaj qytetarëve të Kosovës. Përgjatë rrugës qytetarët brohorisnin parulla: “Unë jam Astriti”, “Drejtësi për Astritin”, ndër bartnin edhe pankarta në duar, me mbishkrimet “Nuk ka qetësi, pa drejtësi”, “Drejtësi për Astritin”, “Lironi të burgosurit politik”. Pjesë e këtij marshi ishte edhe deputetja e lëvizjes Vetëvendosje, Donika Kadaj-Bujupi, drejtuesit e qendrës së Vetëvendosjes në Mitrovicë, e gjithashtu edhe drejtuesit e degës së AKR-së, në këtë qytet të ndarë të Kosovës.
