U promovua libri: Arbër Hadri, “Politika e Shteteve të Bashkuara të Amerikës ndaj çështjes së Kosovës 1989–2008”

Sot, në ambientet e Akademisë së Shkencave dhe të Arteve të Kosovës, Instituti i Historisë “Ali Hadri”, në kuadër të Panairit Mbarëkombëtar të Librit Akademik dhe Shkencor, promovoi librin: Arbër HADRI, “Politika e Shteteve të Bashkuara të Amerikës ndaj çështjes së Kosovës: 1989–2008”, Prishtinë: Instituti i Historisë “Ali Hadri”, 2024.Ky botim sjell një qasje të thelluar shkencore mbi qëndrimin dhe veprimet e Shteteve të Bashkuara të Amerikës ndaj çështjes së Kosovës përgjatë periudhës 1989 deri në shpalljen e pavarësisë së Kosovës më 2008. Në promovim morën pjesë studiues, akademikë dhe përfaqësues të institucioneve shkencore.