Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pavarësisht reagimeve publike të personaliteteve dhe zyrtarëve vendorë dhe të huaj Qeveria dhe Presidenca e Kosovës nuk kanë dhënë përgjigje nëse do të angazhohen konkretisht, që ish-kryetari i Kosovës, Hashim Thaçi, pastaj të akuzuarit, Jakup Krasniqi, Kadri Veseli, Rexhep Selimi, Salih Mustafa, Hysni Gucati dhe Nasim Haradinaj, të cilët aktualisht ndodhen në burgun e Gjykatës Speciale, në Hagë, përmes një garancioni t iu mundësohet kthimin në Kosovë, për t’u mbrojtur në liri. Disa ditë më parë Gjykata e Apelit brenda Gjykatës Speciale, i hodhi poshtë kërkesat për lirimin e përkohshëm të Thaçit, Veselit, Selimit dhe Krasniqit. Sidoqoftë, sipas një gjykatësi të Speciales, ata mund të lirohen, nëse mundësohet që të garantohet lirimi i tyre me kusht nga ndonjë vend i tretë, por deri sot nuk ka ndonjë konfirmim zyrtar, edhe pse ka lajme sensibilizuese nga disa medie, që thirren në burimet e tyre.
