Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më 14 shtator në Hagë do të mbahet protesta gjithë popullore për lirimin e ish-krerëve të UÇK-së, Hashim Thaçi, Kadri Veseli, Jakup Krasniqi e Rexhep Selimi. Organizatori për diasporën, Fatmir Koci, tha se interesimi është i madh nga Kosova, diaspora dhe vendet e rajonit, me dhjetëra autobusë tashmë të rezervuar. “Protesta nuk ka ngjyrime politike, por është mbarë shqiptare. Ne nuk do të lejojmë që në emër të drejtësisë të ndodhin padrejtësi. Ata janë vetë liria, vetë populli i Kosovës”, deklaroi Koci, duke e cilësuar aktakuzën për krime lufte si të padrejtë. Protesta do të nisë nga ora 14:00 dhe, sipas organizatorëve, do të jetë e qetë, por masive, me mesazh uniteti në mbrojtje të luftës së UÇK-së dhe shtetësisë së Kosovës.
