Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Aleancës për Ardhmërinë e Kosovës, Pal Lekaj, ka kritikuar vizitën e presidentes Vjosa Osmani, kryeministrit Albin Kurti dhe ministres së Jashtme Donika Gërvalla në Shtetet e Bashkuara të Amerikës, duke thënë se takimet e tyre nuk po zhvillohen në nivelet më të larta institucionale. Lekaj u shpreh se është për keqardhje që udhëheqësit e Kosovës nuk janë ftuar në Shtëpinë e Bardhë dhe nuk kanë agjendë të qartë me zyrtarë të lartë të Departamentit të Shtetit. “Unë për keqardhje po e them, sepse do të gëzohesha sikur presidentja, kryeministri dhe ministrja të ishin të ftuar në Shtëpinë e Bardhë dhe të takoheshin me nivele të larta, jo nëpër korridore. Është shqetësuese që presidentja e shtetit tonë e takon sekretarin Marko Rubio në kthinat e korridoreve”, tha Lekaj. Megjithatë, ai e cilësoi pozitive vetë faktin që kryeministri dhe përfaqësuesit e lartë të Kosovës po qëndrojnë në SHBA, duke shtuar se mbetet të shihet nëse vizita do të sjellë rezultate konkrete.
