Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Emisari i Bashkimit Evropian për dialogun ndërmjet Kosovës dhe Serbisë, Peter Sorensen, ka deklaruar se procesi i dialogut po jep rezultate konkrete dhe se çdo ditë po shënohet përparim i vërtetë. Në një intervistë për agjencinë italiane Agenzia Nova, Sorensen tha se që nga marrja e detyrës ka zhvilluar mbi 60 takime zyrtare në rajon dhe ka organizuar dy raunde negociatash në Bruksel, ku janë trajtuar çështje kyçe si bashkëpunimi ekonomik dhe personat e zhdukur gjatë luftës. “Procesi nuk është gjithmonë linear dhe shumë prej tij ndodh prapa skenave, por çdo ditë bëhet përparim i vërtetë,” theksoi Sorensen. Ai përmendi disa rezultate të prekshme të marrëveshjeve të arritura, duke përfshirë lëvizjen e lirë të njerëzve, automjeteve dhe mallrave ndërmjet Kosovës dhe Serbisë. Sipas tij, vetëm gjatë verës mbi 1.7 milionë njerëz dhe rreth 650 mijë automjete kanë kaluar nëpër pikat e përbashkëta kufitare. “Veturat me targa të lëshuara nga Kosova tani mund të kalojnë në Serbi, ndërsa qytetarët paguajnë për energjinë që konsumojnë sipas marrëveshjeve të dakorduara. Kjo është provë e prekshme se dialogu po funksionon,” shtoi emisari evropian.
