Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati i Aleancës për Ardhmërinë e Kosovës, për kryeministër, Ramush Haradinaj, ka përshëndetur mërgimtarët që po vijnë në Kosovë, duke vlerësuar rolin e tyre të pazëvendësueshëm në ruajtjen e lidhjeve familjare, traditave dhe identitetit kombëtar. Haradinaj theksoi se ardhja e mërgimtarëve sjell gjallëri dhe ngrohtësi në çdo cep të vendit, duke bashkuar zemrat dhe duke i dhënë jetë shtëpive, rrugëve dhe zakoneve tona. “Mirësevini motra e vëllezër mërgimtarë. Ardhja juaj i bashkon zemrat dhe i jep jetë shtëpive, rrugëve dhe traditave tona”, ka shkruar Haradinaj. Ai vlerësoi kontributin e vazhdueshëm të diasporës për Kosovën, duke theksuar se mërgimtarët janë një shtyllë e rëndësishme e zhvillimit ekonomik, kulturor dhe shoqëror të vendit.
