Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një qasje të ngjashme ka shprehur edhe kryetari i Lidhjes Demokratike të Kosovës, Lumir Abdixhiku, i cili ka thënë se do t’i përgjigjet pozitivisht ftesës së Kurtit vetëm pas publikimit të verdiktit të Gjykatës Kushtetuese. Ndërkohë, nga Aleanca për Ardhmërinë e Kosovës, janë shprehur edhe më kritikë ndaj kësaj lëvizjeje. Shefi i grupit parlamentar të AAK-së, Besnik Tahiri, e ka cilësuar ftesën e Kurtit si përpjekje për të përmbysur narrativën e bllokadës politike dhe për të zhvendosur vëmendjen nga përplasja me presidenten. Sipas Tahirit, pa një agjendë dhe parakushte të qarta nga opozita, një takim i tillë mund të shërbejë vetëm për të shmangur përgjegjësinë politike dhe për të shtyrë vendin drejt zgjedhjeve sipas kalkulimeve të pushtetit. Në opinionin publik dhe në mesin e komentatorëve politikë, kjo lëvizje e Kurtit është interpretuar si një manovër taktike për të mbajtur të hapur narrativën e fajësimit të opozitës për krizën aktuale politike. Në anën tjetër, opozita insiston se çdo hap politik duhet të vijë vetëm pas vendimit përfundimtar të Gjykatës Kushtetuese.
