Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Suharekë është mbajtur tryeza me moton “27 VITE PAS…”, kushtuar zbardhjes së fatit të personave të kidnapuar dhe të zhdukur me dhunë gjatë luftës në Kosovë. Në takim morën pjesë familjarë të të zhdukurve, përfaqësues të shoqatave të familjeve, institucioneve të Kosovës dhe organizmave ndërkombëtarë, me fokus te mundësitë për intensifikimin e përpjekjeve për gjetjen e personave ende të pagjetur.
Diskutimi u përqendrua në nevojën për një angazhim më të madh institucional dhe bashkëpunim ndërmjet të gjitha palëve për të çuar përpara procesin e zbardhjes së fatit të të zhdukurve, një çështje që për familjet vazhdon të mbetet një plagë e hapur edhe 27 vjet pas përfundimit të luftës.
Tryeza u organizua nga shoqatat e familjarëve “Shpresimi” nga Theranda dhe “Kreshniku” nga Krusha e Madhe, në kuadër të përpjekjeve për të mbajtur të gjallë kërkesën për drejtësi dhe për të mësuar fatin e më të dashurve të tyre.
