Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës , Kadri Veseli, ka kërkuar nga shoqatat e dala nga lufta e UÇK-së pastrimin e listave të veteranëve. Nëpërmjet një letre drejtuar këtyre shoqatave, Veseli i ka ftuar të gjithë veteranët të kontribuojnë dhe të dalin guximshëm kundër falsifikatorëve të luftës çlirimtare, duke krijuar një evidencë reale të numrit të veteranëve që vërtet kishin qenë pjesë e luftës. Por, nënkryetari i OVL-UÇK-së, Nasim Haradinaj, ka thënë për gazetën “Epoka e re” se ky proces nuk është përgjegjësi e këtyre organizatave, por e komandantëve të zonave. Sipas tij, OVL-UÇK-ja nuk mund ta hedhë poshtë nënshkrimin e komandantëve.
“Ne nuk kemi mundësi ta bëjmë një gjë të tillë. Fajtorët kryesorë për fryrje të listave janë vetë komandantët e zonave që kanë nënshkruar mbi ato lista. Nuk është në rregull tash që ne të dalim dhe t’i hedhim poshtë vendimet e komandantëve të zonave. Këtu përgjegjësinë e tyre duhet ta marrin ata vetë e jo ne si organizata të dala nga lufta, sepse neve nuk na takon kjo përgjegjësi. Ato lista i kanë nënshkruar të gjithë komandantët në krye me Agim Çekun”, ka thënë ndër të tjera Haradinaj.
