Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i PSD-së së Dardan Molliqaj, ka mbajtur sot në Prishtinë, një aktivitet përkujtues lidhur me peticionet e Albin Kurtit. Ai në kohën kur emisari i BE-së, Miroslav Lajcak, shkoi drejt Qeverisë së Kosovës për t’u takuar me kryeministrin Albin Kurti, ka dorëzuar qindra peticione që shtatë vjet më parë i kundërshtonte Lëvizja Vetëvendosje në marrëveshjet e vitit 2015. Këto peticione, të nënshkruara nga Albin Kurti u dorëzuan para objektit të Qeverisë. Dardan Molliqaj, ka thënë kryeministri Kurti i ka ndërruar qëndrimet, ndryshe në opozitë e ndryshe në pushtet. Përveç që kanë mbi 205 mijë qytetarë që e kanë kundërshtuar, qeveria e Kosovës nuk i ka pyetur qytetarët dhe nuk ka marr mandat për ta nënshkruar një marrëveshje të tillë. Ajo që është interesante, në fund të njërës prej kësaj fletave, nënshkrues është kryeministri i Kosovës, Albin Kurti. Siç mund ta shihni me datën 18 shtator të vitit 2015, Albin Kurti e nënshkruan këtë tekst. Si mund të jenë dy Albin Kurta, ai i cili e nënshkruan kundërshtimin edhe ai i cili e zbaton këtë marrëveshje, ka pyetur Dardan Molliqaj.
