Fillimi / Lajmet / Drejtori i Përgjithshëm i Agjencisë për Administrimin e Pasurisë së Konfiskuar, Rrahim Rama, ka ushtruar ankesë kundër Albulena Haxhiut
Drejtori i Përgjithshëm i Agjencisë për Administrimin e Pasurisë së Konfiskuar, Rrahim Rama, ka ushtruar ankesë kundër Albulena Haxhiut

Drejtori i Përgjithshëm i Agjencisë për Administrimin e Pasurisë së Konfiskuar, Rrahim Rama, ka ushtruar ankesë kundër Albulena Haxhiut

Është ushtruar ankesa ndaj vendimit të komisionit të iniciuar nga Ministrja Albulena Haxhiu për ndërprerje të marrëdhënies së punës. Rrahim Rama ka bërë të ditur se më datë 18 Maj 2020, e ka dorëzuar në Këshillin e Pavarur Mbikëqyrës të Shërbimit Civil të Kosovës, ankesën  ndaj Ministrisë së Drejtësisë, përkatësisht Komisionit Disiplinor të qeverisë për Pozita të Larta Drejtuese, i cili në fillim të këtij muaji ndërmori vendim të padrejtë për të më ndërprerë marrëdhënien e punës në AAPKS. Ankesa ime ka të bëjë me vendimin krejtësisht politik dhe arbitrar të këtij komisioni, të iniciuar dhe dominuar gjatë tërë kohës nga ministrja e drejtësisë Zonja Albulena Haxhiu, për të shqiptuar ndaj meje masën disiplinore me datën 05 Maj 2020 për ndërprerjen e marrëdhënies së punës.

Në ankesën time (të cilën e gjeni të ngjitur në formatin PDF në këtë e-mail) do të gjeni krejt argumentet e mia ligjore e profesionale ndaj masës jo të drejtë të këtij komisioni dhe ministres Haxhiu, i cili po ashtu ka bërë edhe shkelje procedurale dhe kundër-ligjore gjatë tërë kohës deri sa është marrë vendimi në fjalë.

Ky vendim është ndërmarrë me supozime dhe pretendime krejtësisht të pabazuara dhe ai në thelb përbënë një ndërhyrje arbitrare dhe ilegale të ministres ndaj agjencisë të cilën e kemi ndërtuar me ndihmën e vazhdueshme nga qeveria e SHBA-së, e Britanisë së Madhe dhe Bashkimit Evropian që nga fillimi (viti 2011) dhe e kemi forcuar dhe profesionalizuar punën e saj vazhdimisht, e deri më sot, për zbatimin e vendimeve të gjykatave të Kosovës në betejën kundër krimit të organizuar në vendin tonë dhe në rajon.

Prandaj, siç edhe mund të shihet në ankesën time, kam kërkuar nga Këshilli i Pavarur Mbikëqyrës të Shërbimit Civil të Kosovës që vendimi i Komisionit të Albulena Haxhiut të anulohet.

Njoftimin për ankesën pranë këshillit në fjalë, ia kam drejtuar sot edhe Ministrisë së Drejtësisë. (shih ngjitur në e-mail) e po ashtu edhe kërkesën për pezullimin e vendimit të Komisionit të datës 05 Maj 2020 deri në marrjen e vendimit përfundimtar nga Këshilli i Pavarur Mbikëqyrës të Shërbimit Civil.

 

Kontrolloni gjithashtu

Çdo qytetarë që hynë në Kosovë i kërkohet testi për COVID-19 por nuk testohen ata që largohen nga vendi

Çdo qytetarë që hynë në Kosovë i kërkohet testi për COVID-19 por nuk testohen ata që largohen nga vendi

Shtetasit e Kosovës që duan të udhëtojnë jashtë vendit dhe u duhet testi nëse janë ...