Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka folur lidhur me letrën e fundit nga Gjermania, Franca dhe Italia drejtuar Kosovës, ku kërkohet që projekti i asociacionit të dërgohet në Gjykatën Kushtetuese të jetë Drafti Evropian. Në një deklaratë për mediat, Rama theksoi se autoritetet e Kosovës janë të pavarura dhe të afta për të marrë vendimet që i shohin të arsyeshme. Unë nuk mund të flas me sikur, autoritetet e Kosovës janë autoritete që mund të bëjnë atë që e shohin të arsyeshme. Nuk më takon mua të bëj komentatorin apo analistin e gjërave që ndodhin në Kosovë. Por unë di një gjë edhe me koston që ushtria online e Kosovës më sulmon si tradhtar dhe nuk më intereson se po të ishin të gjithë tradhtar si puna ime, sot Kosova do të ishte në Këshillin e Evropës. Kosova nuk e ka me Serbinë dialogun. Kosova e ka dialogun me BE-në. Kosova nuk e ka objektivë të integrohet në BE, Kosova e ka objektiv të bashkohet me BE dhe të bëhet anëtar i familjes së Perëndimit duke pasur parasysh që Lindja është Rusia,” shpjegoi Edi Rama.
