MIT KS
Fillimi / Lajmet / Edi Rama: Propozim aktakuza kundër Thaçit e Veselit nga Gjykata Speciale nuk duhet ta gëzonte asnjë shqiptar, por…
Edi Rama

Edi Rama: Propozim aktakuza kundër Thaçit e Veselit nga Gjykata Speciale nuk duhet ta gëzonte asnjë shqiptar, por…

Kryeministri i Shqipërisë, Edi Rama, e ka cituar poetin e madh shqiptar, Gjergj Fishta, derisa ka thënë se propozim aktakuza për Hashim Thaçin dhe Kadri Veselin nga Gjykata Speciale nuk duhet ta gëzojë asnjë shqiptar. “Nuk mendoj se kjo duhet të qetësojë, lehtësojë, apo aq më pak gëzojë qoftë një shqiptar të vetëm. Çdo shqiptari që mendon se është momenti për të nxjerrë inatet e veta, për ta bërë hakmarrjen e vet politike, apo për të lehtësuar shpirtin duke fërkuar duart që Hashim Thaçit apo Kadri Veselit i erdhi dita i them: Mos ma kujto Gjergj Fishtën që kur i thanë ‘Si janë shqiptarët?’, ai kishte thënë,  ‘Siç i do hasmi’. Rama ka deklaruar se propozim aktakuza përbën shkelje të praktikave në drejtësinë ndërkombëtare. “Për mua ajo komunikatë që lajmëroi botën mbarë se pritet të vijë një aktakuzë, e cila ndërkohë nuk është formalizuar nga gjykata përbën jo vetëm shkelje flagrante të çdo praktike të drejtësisë ndërkombëtare, por edhe akt brutal ndaj vetë Kosovës. “Mos ta harrojmë që Kosova ka kaluar një eksperiment 20-vjeçar të drejtësisë ndërkombëtare të panjohur në historinë e drejtësisë ndërkombëtare me gjykatë për krimet nga UNMIK-u nën mbikëqyrje të OKB-së, gjykatë për krimet nga EULEX-i nën mbikëqyrjen e BE-së, Tribunali i Hagës, panelet hibride edhe kështu edhe ashtu, si dhe gjykatat vendore dhe tani kjo është shkalla e gjashtë”, ka thënë Rama në një konferencë për medie në përmbyllje të vizitës dyditore në Kosovë.

Kontrolloni gjithashtu

Bashkësia e  bizneseve dhe qytetarët kërkojnë shtyrjen e kësteve të kredisë

Bashkësia e  bizneseve dhe qytetarët po kërkojnë shtyrjen e kësteve të kredisë edhe për tre ...