Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vendimi i Qeverisë së Kosovës për reciprocitetin e targave për veturat e serbëve që hyjnë në Kosovë ka shtyrë delegacionet e Kosovës dhe Serbisë që gjatë së sotme (e mërkurë), të mbahet një takim i përbashkët për të gjetur një zgjidhje rreth situatës së krijuar në veri. E për këtë ka reaguar edhe deputeti i PDK-së, Enver Hoxhaj, përmes një postimi. Sipas tij, askush nuk është i informuar nëse delegacioni i Kosovës ka ndonjë platformë në letër rreth takimit që do të zhvillohet sot. Hoxhaj, dialogun mes dy shteteve nuk e sheh si marrëveshje ku dy vendet kanë mundësi për zgjedhje sipas shijes individuale, madje ai situatën në veri e sheh të bazuar në krijimin e fakteve në terren dhe me diplomaci aktive e cila sipas Hoxhajt do të mund siguronte mbështetje të shteteve vendimmarrëse në NATO dhe BE. Ai gjithashtu ka treguar mbështetjen që ka për Policinë e Kosovës, por që sipas tij në këtë situatë veprimet e policisë në terren duhet të jetë në veprim me partnerë.
