Kryetari i Bashkësisë Islame në Maqedoni, Sulejman Rexhepi, duke folur për Radion Evropa e Lirë, ka thënë se “feja dhe bashkësitë etnike në Maqedoni nuk trajtohen në mënyrë të barabartë”. Në këtë shtet përdoret një ‘drejtësi selektive’, që thellon hendekun e ndasive etnike dhe fetare dhe e pamundëson ndërtimin e një shoqërie të sigurt dhe demokratike në përputhje me standardet e vendeve të zhvilluara demokratike, ku ligji vlen për të gjithë njëlloj”. Deklaratat e kryetarit të Bashkësisë Islame të Maqedonisë u bënë pikërisht në ditën Bajramit të Madh, e cila festohet nga besimtarët e fesë islame në shumë treva të ish-RJ të Maqedonisë. Shteti është në një krizë të thellë politike dhe kjo krizë e thellë politike nuk është e rastësishme. Sigurisht se është rrjedhojë e mosveprimit të shtetit juridik. Veprimi i shtetit ka qenë dhe është me dy kute të ndryshme. Përdoren standarde të dyfishta në mes bashkësive të ndryshme fetare dhe etnike në Maqedoni”, tha mes tjerash myftiu, Sylejman Rexhepi.
Kontrolloni gjithashtu
Shefi i Grupit Parlamentar të LDK-së, Arben Gashi, kritikon pengesat në funksionin mbikëqyrës të Kuvendit të Kosovës
Shefi i Grupit Parlamentar të LDK-së, Arben Gashi, ka akuzuar shumicën parlamentare për pamundësimin e …