KEK
Fillimi / Lajmet / Hashim Thaçi: BE-ja po lejon një rrëmujë të re në Ballkanin Perëndimor për shkak se nuk po e lejon zgjerimin
Thaçi: Moikom Zeqo ishte përkrahës i fuqishëm i çështjes së Kosovës, veçanërisht mbështetës i luftës së UÇK-së

Hashim Thaçi: BE-ja po lejon një rrëmujë të re në Ballkanin Perëndimor për shkak se nuk po e lejon zgjerimin

Kryetari i Kosovës, Hashim Thaçi, po merr pjesë në samitin, “Ballkani Perëndimor në mes të Shpresës dhe Realitetit”, të organizuar nga Miqtë e Evropës, ku ai  diskutoi për marrëdhëniet ndërmjet Bashkimit Evropian, Kosovës dhe tërë shteteve të Ballkanit Perëndimor, të cilat tashmë janë në një udhëkryq të madh politik dhe historik.” “Nuk është hera e parë që jemi në një situatë të tillë: sfiduese, të ndërlikuar, madje edhe të rrezikshme. Por, do të duhej të ishte hera e fundit!”, ka shtuar ai. Strategjia për zgjerimin e Bashkimit Evropian i jep shtytje, sipas Thaçit, vendimtare synimit të Kosovës dhe vendeve të Ballkanit për integrim në familjen evropiane, por ngjarjet që pasuan na përgënjeshtruan të gjithëve.  “Fuqia e butë” e Bashkimit Evropian karshi shteteve të Ballkanit Perëndimor është në zbehje e sipër. Disa nga shtetet e Ballkanit Perëndimor po ballafaqohen me tendenca të prapakthimit në stabilizimin e demokracisë dhe po shohim rritje të nacionalizmit. Ballkani është bërë fushëbetejë gjeopolitike dhe në këto rrethana, shtyrja për më vonë e projektit të zgjerimit të Bashkimit Evropian me shtetet e Ballkanit Perëndimor, rishikimi i gjithë kësaj ndërmarrjeje, nuk është opsion, nuk është zgjidhje, nuk është shtegdalje. Në realitet, ky opsion është ftesë për rrëmujë të re në Ballkanin Perëndimor ka thënë mes tjerash, Hashim Thaçi.

Kontrolloni gjithashtu

Haradinaj: Tentimi për të krijuar imazhin se Kosova është e mobilizuar ta pengojë drejtësinë është i gabuar

Haradinaj: Tentimi për të krijuar imazhin se Kosova është e mobilizuar ta pengojë drejtësinë është i gabuar

Kreu i AAK-së, Ramush Haradinaj ka reaguar pas bastisjeve të kryera nga Policët e EULEX-it ...