Jusuf Zenunaj

Jusuf Zenunaj: PËR DITË TË PAVARËSISË

As në Ditën e Njëzetetetës,

luftëtarit të lirisë

nuk i janë ndërruar valët e jetës!

 

Dhjetë vjet me radhë

diell e acar,

prej rruge në rrugë

 

për një kordhe bukë.

 

Fati e çon shpesh

nê lagje a në shesh

bashkëluftarit t’i qeshë

pa menduar

 

i thotë mirëmëngjes.

 

Nëpunësi siç e ka zakon

buzët fort shtrëngon,

shtihet që s’dëgjon,

hapin e shpejton.

 

Pardje

u bë një motmot,

qê i pati dhënë takim Albanit,

në zyrë s’e priti dot.

 

Tek shtrëngon kuletën

në heshtje qorton veten

në këmbë t’mos vijë tjetër.

 

Bashkëluftëtari i zhgënjyer

nga ai nuk heq shikimin

i kujtohet Korabi

kur patën dhënë betimin.

 

Kujton Ditën e Flamurit

njëmbëdhjetë vjet më parë,

pranë njëri-tjetrit

armikut i bënë ballë.

 

Një eskortë qeverie

vjen shpejt sikur erë

Albanin e ” këndellë”.

 

Edhe sot si ma parë,

për Ditë të Pavarësisë

me karrocë dore

punë kërkon Çarshisë!

Kontrolloni gjithashtu

Albert Zholi

-Albert Z. ZHOLI: Flasin për Ditën e Verës: Luan Zhegu, Bashkim Alibali, Paro Ziflaj dhe Vitore Stefa. Leka

Flasin Luan Zhegu, Bashkim Alibali, Paro Ziflaj dhe Vitore Stefa. Leka -Dita e Verës nuk …