KEK-u ndan 100 mijë euro për ndihmë Shqipërisë

27/11/2019 Institucionet

Korporata Energjetike e Kosovës (KEK) ka ndarë 100 mijë euro për t’i dalë në ndihmë Republikës së Shqipërisë pas tragjedisë që ndodhi ditën e martë si pasoje e tërmeteve. Me kërkesë të Drejtorit Menaxhues të KEK-ut, Njazi Thaçi dhe me aprovim te Bordit te Drejtorëve, kjo shumë është dedikuar për Qeverinë e Republikës se Shqipërisë për të ndihmuar familjet që pësuan nga kjo tragjedi. Korporata Energjetikë e Kosovës të martën gjithashtu ka dërguar edhe ekipin e specializuar për intervenime emergjente (kërkim shpëtim) të cilët po i dalin në ndihmë autoriteteve shqiptare për nxjerrjen e viktimave nga gërmadhat e krijuara pas tërmetit. Drejtori Menaxhues i KEK-ut, Njazi Thaçi ka thënë së kjo është me e pakta që mund të bëjmë si korporatë për t’u solidarizuar dhe për të ofruar përkrahjen me qytetarët që pësuan nga kjo tragjedi. “Nga mëngjesi i ditës së martë jemi duke i përcjellë me shqetësime ngjarjet në Shqipëri. Ndjejmë keqardhje dhe shprehim ngushëllime më të sinqerta për viktimat”, ka thënë Thaçi. Ai ka bërë të ditur së vendimi për të ndarë 100 mijë euro është marrë me përkrahjen e gjithë menaxhmentit dhe të Bordit të Drejtorëve të KEK-ut.

Kontrolloni gjithashtu

Kryetari Latifi nënshkroi kontratat me tre praktikantë nga skema praktike në punë

Sot, kryetari i komunës së Rahovecit z. Smajl Latifi nënshkroi kontratat me tre praktikantë nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara