Komunat avancojnë transparencën, komunikimin dhe digjitalizimin e shërbimeve

06/10/2026 Institucionet

Asociacioni i Komunave të Kosovës, me mbështetjen e OSBE-së, Zyra në Kosovë, organizoi në Pejë punëtorinë dyditore “Mbështetja e AKK-së dhe Komunave në avancimin e transparencës dhe digjitalizimit të shërbimeve”.

Punëtoria mblodhi përfaqësues të komunave dhe institucioneve relevante (AKK, MAPL, Agjencia e Shoqërisë së Informacionit (ASHI), OSCE) për të diskutuar sfidat aktuale dhe hapat konkretë drejt shërbimeve publike më të qasshme, transparente dhe efikase për qytetarët.

Në fokus të diskutimeve ishte gjendja aktuale e digjitalizimit të shërbimeve komunale, zhvillimet e fundit në platformën e-Kosova dhe mundësitë për integrimin e shërbimeve të reja elektronike të nivelit lokal.

Në kuadër të punëtorisë u prezantua edhe Draft Model Strategjia Komunale për Komunikim, përgatitur nga Asociacioni i Komunave të Kosovës, e konceptuar si një kornizë që komunat mund ta përshtatin sipas madhësisë, kapaciteteve dhe nevojave të tyre.

Poashtu një pjesë e rëndësishme e punëtorisë iu kushtua funksionimit të uebfaqeve komunale, qasjes në dokumente publike dhe cilësisë së informacionit që u ofrohet qytetarëve.

Kontrolloni gjithashtu

DKRS e Ferizajt dhe Peace Corps forcojnë bashkëpunimin

Drejtori i Drejtorisë për Kulturë, Rini dhe Sport (DKRS), në komunën e Ferizajt, Gazmend Bytyçi, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara