Albin Kurti

Kryeministri, Albin Kurti, deklaroi se më 4 prill, në Bruksel, do të mbahet takimi për dialogun në nivel të kryenegociatorëve

Kryeministri i Kosovës, Albin Kurti, deklaroi se më 4 prill, në Bruksel, do të mbahet takimi për dialogun në nivel të kryenegociatorëve. Nga Kosova do të jetë i pranishëm  zëvendës-kryeministri Bisnik Bislimi. Ai ka shtuar se ekziston marrëveshja dhe e njëjta është publike për të gjithë, dhe se kemi nevojë për zbatim të saktë dhe të shpejtë të saj. “Më 4 prill në Bruksel ata do të diskutojnë çështjen e zbatimit të marrëveshjes që tashmë është dakorduar. Ka marrëveshje, ekziston marrëveshja është e qartë publike për të gjithë dhe kemi nevojë për zbatim të saktë dhe të shpejtë të saj prandaj edhe do të organizohet takim ndërmjet kryengocaitorëve ku nga na e Kosovës do të marrë pjesë, Besnik Bislimi, tha Kurti. Duke sqaruar fjalën “urgjencë” të përdorur nga BE-ja për krijimin e Asociacionit, kryeministri shtoi se marrëveshja duhet të zbatohet e tëra dhe se nuk mund të ketë zbatim të njëanshëm. Marrëveshjen nuk duhet ta copëtojmë duke marrë pjesët e preferuara. Fjala që përdoret urgjencë është pikërisht tek fjalia që ka të bëjë me të pagjeturit përkatësisht të zhdukurit me dhunë”, tha Albin  Kurti.

Kontrolloni gjithashtu

Ramush Haradinaj

Ramush Haradinaj: Mospërfshirja e Kosovës në votimin e Këshillit të Ministrave, një dështim i madh

Kryetari i AAK-së, Ramush Haradinaj, ka kritikuar ashpër kryeministrim Albin Kurti lidhur me mospërfshirjen e …