leoni

Në Romë po mbahet takimi i liderëve të vendeve të G20

Në Romë po mbahet takimi i liderëve të vendeve të G20 ku po diskutojnë për masat që duhet ndërmarr për t’u ballafaquar me pandeminë e shkaktuar nga koronavirusi dhe ndryshimet klimatike. Gjatë fjalës së hapjes së samitit, kryeministri i Italisë, Mario Draghi tha se jemi shumë pranë përmbushjes së objektivit të OBSH-së për të vaksinuar 40 për qind të popullsisë globale deri në fund të 2021. Tani duhet të bëjmë gjithçka që mundemi për të arritur 70 për qind deri në mesin e 2022. Ai theksoi më tutje se përderisa në më shumë se 70 për qind e njerëzve në vendet e zhvilluara kanë marrë të paktën një dozë të vaksinës COVID-19, në pjesët më të varfra të botës kjo shifër është vetëm rreth 3 për qind. Gjatë këtij samiti, pritet të diskutohet edhe për ndryshimet klimatike dhe uljen e sasisë së emetimit të dioksidit të karbonit në mënyrë që të vihet nën kontroll ngrohja globale. Grupi i G20-ës, që ndër të tjera përfshin Brazilin, Kinën, Indinë, Gjermaninë dhe Shtetet e Bashkuara, përbën më shumë se 80 për qind të emetimeve të karbonit.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …