Mbahet konsultimi publik për Kornizën Afatmesme Buxhetore 2027–2029

22/06/2026 Institucionet

Kryesuesi i Kuvendit të Komunës së Ferizajt, z. Xhavit Zariqi, së bashku me anëtarët e Komitetit për Politikë dhe Financa, ka mbajtur sot një konsultim publik për të diskutuar Kornizën Afatmesme Buxhetore 2027–2029.

Edhe pse interesimi i qytetarëve nuk ishte në nivelin e dëshiruar, kryesuesi Zariqi theksoi se Korniza Afatmesme Buxhetore është një proces shumë i rëndësishëm për përcaktimin e prioriteteve zhvillimore për tri vitet e ardhshme.

Ai bëri të ditur se buxheti i planifikuar për vitin e ardhshëm arrin vlerën totale prej 56,102,329 euro. Nga kjo shumë, 15.2 milionë euro janë paraparë për investime kapitale, rreth 2.88 milionë euro për subvencione, 1.45 milionë euro për shpenzime komunale, 12.05 milionë euro për mallra dhe shërbime, ndërsa 24.51 milionë euro për paga dhe mëditje.

Korniza Afatmesme Buxhetore pritet të miratohet në mbledhjen e rregullt të Kuvendit të Komunës së Ferizajt që do të mbahet me 30 qershor.

Kontrolloni gjithashtu

Kryetari Latifi mbajti takimin e parë publik me qytetarë për gjashtëmujorin e parë të këtij viti

Kryetari i komunës së Rahovecit, z. Smajl Latifi ka mbajtur takimin e parë publik me …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara