Airport Adem Jashari
MIT
mbpzhr 2018
kek
Fillimi / Kultura / Mehmet Bislimi: 2 NËNTORI
Posta e Kosovës ka emërtuar pullën postare me portretet e heronjve ë kombit, Afrim Zhitia dhe Fahri Fazliu në 29 vjetorin e rënies

Mehmet Bislimi: 2 NËNTORI

Bacë Osmani,  
Sot është 2 nëntori …  
a thua do të trokas dikush  
në derën e vjetër prej druri

aty pranë tek dera

tek oborri

tek trualli  
 
po  
ka dhe s’ka mundësi  
tani në breg të diellit  
bëhet fushatë  
hahet mish i pjekur  
dikush edhe e ha  
bukën thatë  
dikush pi raki  
dikush bënë tregti  
dikush lypës  
dikush zotëri  
dikush servil  
dikush hafi  
 
në breg të diellit  
ku dielli ngrohtësinë fali  
ranë  
bijtë e kësaj toke  
ranë  
Afrim e Fahri djali  
 
… mos qoftë e thënë  
të kenë harruar ata këtë ditë  
ata  
që dikur bukën e ngrohtë  
nga duar e nënë Qamilës  
kanë ngrënë!  
ata që me bacë Osmanin dikur  
netët kanë zbardhë  
jo  
edhe nëse është kështu  
nuk dua të besoj  
jo  
nuk dua që sonte gjumin  
me ndrojtje ta bëj  
sonte jam me ty bacë Osmani  
atje tek shelgu në oborr  
ulu e ndeze një cigare  
dhe  
me hijen time fol  
se dheu për të gjallë na treti  
kaq të shkapërderdhur  
ky 2 nëntor  
të shkapërderdhur  
na gjeti  
mos qajë për ata që ranë  
qajë për ne  
që jemi e nuk jemi gjallë!  

(nëntor, 2017)

Kontrolloni gjithashtu

Eriola Azizolli: Drama klasike japoneze, Noh magjeps publikun në Qendrën Kulturore të Katedrales Orthodokse

Eriola Azizolli: Drama klasike japoneze, Noh magjeps publikun në Qendrën Kulturore të Katedrales Orthodokse

“Manteli me pupla” dhe  “Merimanga e tokës”  ishin dy pjesët e interpretuara mbrëmjen e së ...