Numri i palestinezëve të vrarë nga sulmet barbare izraelite, në Gaza, që nga tetori i kaluar ka arritur në 36 mijë e 550

Numri i palestinezëve të vrarë nga sulmet e pamëshirshme izraelite në Gaza që nga tetori i kaluar ka arritur në 36.550, njoftoi Ministria e Shëndetësisë në Gaza, transmeton Anadolu. Të paktën 82.959 njerëz janë plagosur nga sulmet, shtoi ministria. “Forcat izraelite vranë 71 persona dhe plagosën 182 të tjerë në shtatë ‘masakra’ kundër familjeve në 24 orët e fundit”, tha ministria. Shumë njerëz ende janë të bllokuar nën rrënoja dhe në rrugë pasi urgjenca nuk mund të arrijë deri tek ata. Pavarësisht nga rezoluta e Këshillit të Sigurimit të OKB-së që kërkon armëpushim të menjëhershëm në Gaza, Izraeli ka vazhduar ofensivën brutale në Gaza që nga 7 tetori 2023. Gati tetë muaj pas luftës izraelite, zona të gjera të Gazës ishin në rrënoja mes një bllokade gjymtuese të ushqimit, ujit të pastër dhe ilaçeve. Izraeli akuzohet për gjenocid në Gjykatën Ndërkombëtare të Drejtësisë (GJND), e cila në vendimin e saj të fundit ka urdhëruar Tel Avivin të ndalojë menjëherë operacionin në Rafah, ku mbi një milion palestinezë kërkuan strehim nga lufta përpara se të pushtohej.

Kontrolloni gjithashtu

Lajçak

Emisari i BE-së, Miroslav Lajçak, deklaron se Ballkani Perëndimor ka prioritet bashkëpunimin me Mbretërinë e Bashkuar

I dërguari i Bashkimit Europian për dialogun Kosovë-Serbi, Miroslav Lajçak, është  shprehur optimist për rëndësinë …