Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata e Veteranëve të Luftës së Ushtrisë Çlirimtare të Kosovës, ka reaguar pas deklaratave të ekipit mbrojtës të Jakup Krasniqit, duke i cilësuar paralajmërimet për përgatitjen e dënimeve nga Prokuroria Speciale si një alarm serioz për drejtësinë dhe për shtetin e Kosovës. Në reagimin e saj, OVL-UÇK shpreh shqetësimin se procesi ndaj ish-drejtuesve të UÇK-së nuk ka për qëllim zbardhjen e së vërtetës, por, sipas tyre, përbën një ndëshkim politik. Organizata e vlerëson se gjykimet dhe dënimet e deritanishme janë të padrejta dhe se paraburgimi i zgjatur i krerëve të UÇK-së në Hagë është dëshmi e një qasjeje të njëanshme. Ky proces po e cenon jo vetëm figurën e individëve të akuzuar, por edhe vetë legjitimitetin e luftës sonë çlirimtare dhe shtetësinë e Kosovës, thuhet në reagim. OVL-UÇK i ka bërë thirrje institucioneve të Republikës së Kosovës që të reagojnë me seriozitet dhe të mos heshtin përballë, siç e quajnë ata, padrejtësive që po ndodhin në emër të drejtësisë ndërkombëtare.
