Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Radio-Kosova e lirë, Zëri i Lirisë
Më 4 janar në vitin 1999 në kohën më të vështirë
Filloi të dëgjohej zëri unik i Radios Kosova e Lirë
Ai ishte zë autentik që i dha mesazh të gjithë botës
Ai zë unik ishte zëri i Ushtrisë Çlirimtare të Kosovës.
Zëri më i ëmbël dhe më i ngrohtë në male me borë
Ai zë ishte lajmëtari i lirisë që po vinte në Kosovë
Radio Kosova e Lirë ishte si një frymëzim i luftës
Ata luftonin përmes fjalës e UÇK-ja përmes pushkës
Sa e sa njerëz sakrifikuan gjithçka që kishin nga vetja
Nga ky zë i shenjtë që dilte nga mali thuhej e vërteta
Sa trimat e dhanë jetën ta mbronin këtë zë që kërkonte liri
Radio Kosova e Lirë ishte dhe mbetet si një mrekulli
Dikur ishte zë i luftës për liri e sot i kujton ata dëshmorë
E ftohtë me borë e acar është 4 janari sot në këtë 19 vjetor
Radio Kosova e Lirë është trashëgim nga lufta e lirisë
Sot ajo i kujton ata që ranë dëshmorë dhe iu falen lavdisë
Sa të ketë shqiptar atdhedashës në këto toka në këtë botë
S’do harrohet zëri që dilte nga mali me borë por ishte i ngrohtë
Nuk ndalet zëri që simbolizoi liri, s’mund të lidhet me zinxhirë
Rrosh e qofsh sa malet e Shqipërisë moj Radio Kosova e Lirë.
