MTI edhe këtë vit po i prezanton potencialet turistike, kulturore dhe historike të Kosovës në panairin e turizmit “Destinations Nature”

16/03/2019 Institucionet

MTI edhe këtë vit po i prezanton potencialet turistike, kulturore dhe historike të Kosovës në panairin e turizmit “Destinations Nature”, i cili po mbahet në Paris të Francës. Në këtë panair, përfaqësuesit e MTI dhe agjencionit KIESA-s, së bashku me operatorët turistik po prezantojnë paketat turistike, mundësitë për turizëm që ka vendi ynë si dhe për aktivitete të ndryshme në natyrë që mund të realizohen gjatë qëndrimit në Kosovë. Pjesëmarrja e operatorëve turistik u organizua nga Ministria e Tregtisë dhe Industrisë përmes Agjencisë për Investime dhe Përkrahjen e Ndërmarrjeve në Kosovë (KIESA). Panairi “Destinations Nature”, është një prej panaireve më të rëndësishme që i përket fushës së turizmit dhe veçohet për atë të udhëtimit dhe aktiviteteve në natyrë. Panairi është i hapur nga data 14 – 17 mars 2019. MTI/KIESA për kompanitë vendase ka siguruar hapësirë ekspozuese e cila gjendet në sallën E, shtand nr. 113.

Kontrolloni gjithashtu

U mbajt takimi përmbyllës i dëgjimeve buxhetore publike për hartimin e buxhetit komunal për vitin 2027.

Në sallën e Kuvendit Komunal të Skenderajt, të premtën me 4 shtator 2026 u mbajt …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara