Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata Botërore e Shëndetësisë ka bërë të ditur se gjatë ditës së djeshme, në nivel botëror, janë shënuar 800.000 raste të reja me virusin korona. Në raport thuhet se 24 orët e fundit, me koronavirus u regjistruan 795.942 të reja, një total prej 77 milionë e 98 mijë e 369 raste me Covid-19 dhe 1 milion e 680 mijë e 339 vdekje janë konfirmuar sipas të dhënave të Organizatës Botërore të Shëndetësisë . Rreth 64 për qind e numrit të përgjithshëm të rasteve të konfirmuara u regjistruan në Amerikën Veriore dhe Jugore, e ndjekur nga Evropa dhe Azia Juglindore. Amerika renditet e para në botë me 17.314.834 raste, pasuar nga India me 10.031.223, Brazili me 7.162.978 dhe Rusia me 2.848.377. Pason Franca me 2.418.439, Britania e Madhe me 2.004.223, Italia me 1.038.083, Spanja me 1.797.236, Argjentina me 1.531.374. Në vendin e dhjetë sa i përket numrit të rasteve të konfirmuara me Covid-19 është Gjermania me 1.494.009, pasuar nga Kolumbia me 1.482.072 dhe Meksika me 1.301.546.
