Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i FSK-së gjeneral-lejtnant, Bashkim Jashari e ka përfunduar vizitën në Shtetet e Bashkuara në kuadër të ceremonisë së 30 vjetorit të Programit të Partneritetit Shtetëror. Ai ishte atje me ftesë të gjeneral Daniel R. Hokanson, Shef i Byrosë së Gardës Kombëtare Amerikane. Në njoftimin për media të FSK-së thuhet se së bashku me homologun nga GK e Iowas Gjeneral Osborn, patën rastin që të mbajnë një varg takimesh të rëndësishme në funksion të bashkëpunimit dhe aktiviteteve. Jashari falënderoi Amerikën për përkrahjen e vazhdueshme për Kosovën dhe FSK. “Gjeneral Jashari konfirmoi gatishmërinë e FSK-së për pjesëmarrje në misione të përbashkëta me ushtrinë amerikane dhe në aktivitete e trajnime tjera në funksion të mbajtjes dhe zhvillimit të aftësive të ndërveprimit me forcat partnere”, thuhet në njoftim.
